Выдавецтва "ЯНУШКЕВІЧ" – сучасныя беларускія кнігі, якія хочацца чытаць да апошняй старонкі. 

Мы існуем з лютага 2014 года. Пачыналі з выдання папулярных кніг па гісторыі Беларусі у жанры non fiction. З цягам часу наш асартымент павялічыўся за кошт мастацкай літаратуры для дарослых і дзяцей. Прыярытэты нашай дзейнасці пашырыліся - мы імкнемся развіваць беларускую кніжную прастору на ўсіх універсальных напрамках. Для нас важна, каб беларуская кніга была запатрабаваная сярод чытацкай аўдыторыі як мага больш, а ўражанні ад яе прачытання - самымі станоўчымі і прыязнымі.
Наша правіла - выпускаць у свет выданні толькі найвышэйшага гатунку. Таму мы надаем вялікую ўвагу паліграфічнай якасці і дызайнерскаму афармленню. Нам дапамагае ў гэтым супрацоўніцтва з найлепшымі друкарнямі і спецыялістамі ў розных галінах кніжнай справы.