І. Ліндэ. Нябесны футбол

Бацькi шведскай паэткi i пiсьменнiцы Iды Лiндэ – у мiнулым футбольныя трэнеры. І сама Iда з дзяцiнста займалася футболам, пакуль сур’ёзная траўма не прымусіла адмовіцца ад гульні. Пачынаючы з дэбютнага зборнiка вершаў «Споведзь дзяўчыны-машыны» (2006), футбол «прапiсаўся» ў яе творчасцi.

«Нябесны футбол» – кніга аднаго верша. Фiласофска-лiрычныя радкі напiсаны ў падманлiва «дзiцячай» форме. Гэта разважанне пра складаныя сувязi памiж рознымi жыццёвымi досведамi – памiж дарослымi, якiя ўжо маюць уласныя «крылы», i дзецьмi, для якiх усё толькi пачынаецца.