Logo_Omega_760x240.png
+375 29 120 76 00
Заказ па тэлефоне
Меню

Каталог Выдаць кнігу Акцыі Як набыць Матэрыялы Пра нас Кантакты

А. Жвалеўскі, Я. Пастэрнак. Гімназія № 13

Андрэй Жвалеўскі, Яўгенія Пастэрнак
ISBN: 9789857165353
Няма ў продажы
17,90 руб.

Упершыню раман вядомых дзіцячых пісьменнікаў Андрэя Жвалеўскага і Яўгеніі Пастэрнак выходзіць па-беларуску! 

“Гімназія № 13” цягам апошніх сямі гадоў вытрымала ажно пяць выданняў на рускай мове, агульным накладам больш за 20 тысяч экзэмпляраў. Раман неаднаразова адзначаўся прэстыжнымі літаратурнымі ўзнагародамі.

“Гімназія № 13” – самы “беларускі” твор з усёй багатай творчай спадчыны пісьменнікаў. Яго падзеі адбываюцца ў сучасным Мінску. Новае беларускае выданне стала сапраўды народным – сродкі на яго ажыццяўленне былі сабраны чытацкай грамадой падчас краўдфандынгавай кампаніі.

Кнігі гэтага аўтарскага тандэма карыстаюцца нязменнай папулярнасцю на ўсёй постсавецкай прасторы, пры чым не толькі ў дзяцей і падлеткаў. Вялікі поспех забяспечаны шчырым, неабыякавым стаўленнем да праблем сучаснай моладзі, з якой пісьменнікі навучыліся сапраўды размаўляць на “ты”. 

Некалькі слоў пра сюжэт рамана. Некалькі мінскіх гімназістаў трапляюць у вельмі незвычайную сітуацыю. Іх гімназія зачараваная – час тут спыніўся, а дапамогі і паратунку чакаць няма адкуль. Прыходзіцца добра паламаць галаву, каб вярнуцца ў нармальны свет, да звыклых рэчаў. Падлеткам з 7-га класа трэба наладзіць стасункі з дамавымі (тут яны называюцца “кабінетнымі”), угаварыць ката Ваську даць неабходныя інструкцыі як дзейнічаць, збіраць нязвыклыя артэфакты, але самае галоўнае – вырашыць тысячагадовую спрэчку Белых і Чорных язычніцкіх багоў. Што казаць, вас чакаюць папросту фантастычныя прыгоды, захапляльнае падарожжа ў чароўны свет міфаў і легенд.

Жвалеўскі, А. В., Пастэрнак, Я. Б. Гімназія № 13 : раман-казка / Андрэй Жвалеўскі, Яўгенія Пастэрнак ; пер. з рус. Раісы Баравіковай. — Мінск : А. М. Янушкевіч, 2017. — 376 с. — ISBN 978-985-7165-35-3.
Год выдання
2017
Фармат
145х215 мм
Колькасць старонак
376
Вокладка
Цвёрдая
Вага (г)
520
Перакладчык
Раіса Баравікова
Рэдактар
Марына Шода
Мастак
Аўгіння Багдановіч
Ваш водгук быў адпраўлены!
Імя і прозвішча *
Водгук *